السبت، 29 مايو 2010

~ شوـآرد " البدر " ..



~ كل جرح فات لي منك هديه ...!
وش بلاك تخاف من رد الهدايا .. !!

’,

~ ليت الشوارع تجمع اثنين صدفه
لا صار شباك المواعيد مجفي .. !!

’,

~ وكل ما شكى من عنى همه وغرباله
أقول لعل به جرحٍ من أسبابي ..؟!


’,

صحيح ان البحر مالح .. !!
ولكن العطش قتال ؟!
ولكن العطش قتال ؟!
ولكن العطش قتال ؟!

’,


وطرت لآجمل إبتسامة ..
لين قلتي وين جنحانك؟!
وين جنحاني ؟! وطحت
طحت
من أعلى غمامه .. !


’,


لآ آنتي وردة ..
ولآ هو " قلبي مزهرية من خزف ..
صدفه وحده جمعتنّا
شوفي وشلون الصدف .. !!



’,

آتصدقي .. !!
مرة نسيتك .. وابتسمت .. !!


’,


مـا لـلرجا فـي بعض الأحـوال قــيــمه
ومال العـمى صبـحٍ ولو بات سهـران !!

’,

البارحة ... صارت عمر
ليله .. أَبَدْ عيٌت تمرٌ !!


’,


من اربع ليال
طيفك وقف ..
ما بين الرمش ... والرمش !!
ما غمضت لي عين
يا ابن الحلال
اما استرح ... والا امش .. !!


’,


اثر العمر ساره
وموج البحر ساره
وكل المدى ساره
سافرت كل العمر !
وراجع
احب ساره ..


’,

قالت وش الوقت !

و ناظرت ليل اعيونها
وصبح الجبين
ومرت ثواني صمت
وقلت الزمان .. انتى
وكوني اللي تبين
و من يومها ماعاد اناظر ساعتي !
وش حاجتي .. أعد الزمان
وهى الزمان الجاي ..



’,


قالوا سألتي .. عني سألتي !
وأنا ما ادري ويني .. ضايع ياعيني
ما ادرى وش اللي ذكرك
مقطع شعر في دفترك
والا الكلام عن صاحبك
وانت عقدتي حاجبك
قلتي كلام كله كذب
وليه اتصلتي .. عنى سألتي؟

’,


ياقلبك الخواف
يا صاحب الخوف
ما يطمن الخوف
لا تلمس الجوف
وأنت إيدينك باردة
والفرقى دائم واردة
وانت وأنا في نفس الطريق بس الخطى متباعدة
لا تسرق الوقت
يا أجمل الوقت
تكذب علي واكذب عليك
وألقى الدفى برعشة ايديك !!
نقضي العمر
كل العمر
نحلم بلحظة شاردة ..



’,



مااقوى اخونك
ما اقوى اخونك ...ماش !
انا قلبي عصفورك وباقي الصدر.. [ اعشاش ] ..








عـآشق .. ومـآحد صدقه .. !!

~ انتي عيونك هالعتيم
سبحان ربٍ خالقه... !؟
قصيده

لشاعر قديم

عآشق ... وماحد صدقه
ومن كثر ماغبتي عليه
جمع قصيده .. وشققه !!


بدر بن عبدالمحسن

~ لو تفآرقني أموت ..

~ ناظرتني بطرفها الساهي وقالت :
لو تفارقني اموت

وافترقنا .. لا لقا .. لا رسايل
ولا صوت ..

وكنت أسال دايم أسأل
يا ترى وش صار فيها !؟


قالوا (
تزقح ) ماعليها
صارت أجمل
ابتسمت وقلت هذا اللي ابي !

>> بس <<

كيف أنا صدقت يوم قالت بموت !!
الصحيح .. إني غبي .. !!



بدر بن عبدالمحسن


الأربعاء، 26 مايو 2010

إذا أرعبك المطر ليله أنا أرعبنى الجفاف سنين .. !!!


~ تعالى نهيم
فى دنيا المطر والغيم
ولكنك ...

تخافين .. وتخافين .. وتخافين
وعندك شي تخفينه !


وأنا أحب المطر .. وأنتى تخافينه
ولا أدرى سبب خوفك؟
ولا ظنك بعد .. تدرين !!


تخافين المطر لا يبلل ثيابك ..

تخافين الرعد لا يرعب أحبابك ..

تخافين أن لمع البرق فـ عيونك يبان ما تخفين ..


ابركض فالمطر .. وابتل
وإذا أرعبك المطر ليله
أنا أرعبنى الجفاف سنين .. !!!